અમદાવાદ શહેરમાંથી ખાખી વર્દીને કલંકિત કરતો એક ચોંકાવનારો કિસ્સો સામે આવ્યો છે, જેમાં કાયદાના રક્ષક જ ભક્ષક બન્યા હોય તેવા દ્રશ્યો સર્જાયા છે. ગુજરાત યુનિવર્સિટી પોલીસ સ્ટેશનમાં ફરજ બજાવતા મહિલા પીએસઆઈ સોનલ રાઠોડ દ્વારા એક પ્રજ્ઞાચક્ષુ આધેડ વ્યક્તિને બેરહેમીથી માર મારવામાં આવ્યો હોવાનો સનસનીખેજ મામલો સામે આવ્યો છે. આ ગંભીર ઘટનાની નોંધ લઈને ઉચ્ચ પોલીસ અધિકારીઓ દ્વારા તાત્કાલિક કડક પગલાં લેવામાં આવ્યા છે.
પોલીસ બેડામાં ભારે ખળભળાટ
ઘટનાની મળતી વિગતો અનુસાર, ગુજરાત યુનિવર્સિટી પોલીસ મથકમાં મહિલા પીએસઆઈ સોનલ રાઠોડે એક પ્રજ્ઞાચક્ષુ આધેડ સાથે અમાનવીય વર્તન કરી તેમને ઢોર માર માર્યો હતો. આ ઘટના સામે આવતા જ પોલીસ બેડામાં ભારે ખળભળાટ મચી ગયો છે. એક લાચાર અને દિવ્યાંગ વ્યક્તિ પર પોલીસ દ્વારા આ પ્રકારે સત્તાનો દુરૂપયોગ કરીને અત્યાચાર ગુજારવામાં આવતા લોકોમાં પણ ભારે રોષ જોવા મળ્યો હતો.
