ગુજરાતમાં વહેલી સવાર અને રાત્રે ઠંડીનો અહેસાસ થઈ રહ્યો છે. જ્યારે બપોરના સમયે ગરમીથી લોકો અકળાયા છે. રાજ્યમાં બેવડી ઋતુ વચ્ચે રોગચાળાની દહેશત પણ જોવા મળી છે. ગઈકાલે રાજ્યમાં દાહોદ શહેર સૌથી ઠંડુ શહેર હતું. આજે કચ્છનું નલિયા રાજ્યમાં સૌથી ઠંડુ શહેર બન્યું છે. આજે નલિયામાં સૌથી ઓછુ 12.8 ડિગ્રી તાપમાન નોંધાયું છે.
ગુજરાતમાં વહેલી સવારે ઠંડીનો ચમકારો
ગુજરાતમાં વહેલી સવારે ઠંડીનો ચમકારો અનુભવાયો છે. રાજ્યના મોટાભાગના જિલ્લાઓમાં તાપમાન 15 ડિગ્રીથી નીચે નોંધાયું છે. કચ્છના નલિયામાં સૌથી ઓછુ 12.8 ડિગ્રી તાપમાન નોંધાયું છે. ઉત્તર પૂર્વનો પવન ફૂંકાતા ઠંડીનો અહેસાસ થઈ રહ્યો છે. વડોદરામાં 13, અમરેલીમાં 13.2, અમદાવાદમાં 16.2, ગાંધીનગરમાં 15.2, રાજકોટમાં 13.4, ડીસામાં 14.8, વલ્લભ વિદ્યાનગરમાં 15.8, સુરતમાં 16.4, દમણમાં 15.6, ભુજમાં 14.3, કંડલા એરપોર્ટમાં 14.2, ભાવનગરમાં 15.4, દ્વારકામાં 18.6, મહુવામાં 14.1, કેશોદમાં 14.7 ડિગ્રી તાપમાન નોંધાયું છે.
