ગુજરાતમાં ઠંડીનો ચમકારો વધી રહ્યો છે. રાજ્યમાં ભર શિયાળામાં બેવડી ઋતુનો પણ અહેસાસ થઈ રહ્યો છે. ત્યારે આગામી 48 કલાક સુધી રાજ્યમા તાપમાન યથાવત રહેશે. 48 કલાક બાદ તાપમાનમાં બેથી ત્રણ ડિગ્રીનો ઘટાડો થશે. રાજ્યમાં આજે કચ્છના નલિયામાં સૌથી ઓછું 12.6 ડિગ્રી તાપમાન નોંધાયું છે.
48 કલાક બાદ 2 થી 3 ડિગ્રી તાપમાન ઘટશે
ગુજરાતમાં ઠંડીનું પ્રમાણ ધીમે ધીમે વધી રહ્યું છે. તેની સાથે બેવડી ઋતુનો પણ અહેસાસ થઈ રહ્યો છે. ત્યારે હવામાન વિભાગના જણાવ્યા પ્રમાણે આગામી 48 કલાક બાદ તાપમાનમાં બેથી ત્રણ ડિગ્રીનો ઘટાડો થશે. જેના કારણે ઠંડીનો ચમકારો અનુભવાશે. રાજ્યમાં કચ્છના નલિયામાં સૌથી ઓછું 12.6 ડિગ્રી તાપમાન નોંધાયું છે. નલિયા રાજ્યમાં સૌથી ઠંડુ શહેર બન્યું છે.
