શિક્ષણ બોર્ડ દ્વારા ૨૯ માર્ચના રોજ લેવાનારી ગુજકેટની હોલ ટિકિટ આવતીકાલ ૧૭ માર્ચના રોજ અપલોડ કરાશે. સ્કૂલો બોર્ડની વેબસાઈટ પરથી હોલ ટિકિટ ડાઉનલોડ કરી શકશે. આ વખતે ગુજકેટ માટે રાજ્યભરમાંથી ૧,૩૫,૮૭૫ વિદ્યાર્થી નોંધાયા છે, જે ગત વર્ષની સરખામણીએ પ હજાર જેટલા વધુ વિદ્યાર્થી નોંધાયા છે.
એડમિશન કાર્ડ ડાઉનલોડ કરવાની સુવિધા
ઉમેદવારોને હોલ ટિકિટ ડાઉનલોડ કરવા માટે ગુજકેટ-૨૦૨૬ માટે ભરેલા આવેદનપત્રમાં નોંધાયેલા મોબાઈલ નંબર અથવા ઈ-મેઇલ આઈડી અને જન્મ તારીખ અથવા એપ્લિકેશન નંબર દાખલ કરવો પડશે. ઉપરાંત ઉમેદવારો પોતાના નામ દ્વારા પણ એડમિશન કાર્ડ શોધી શકશે અને ત્યારબાદ જન્મ તારીખની વિગતો દાખલ કરીને તેને ડાઉનલોડ કરી શકશે.શાળાઓને પણ પોતાના ઈન્ડેક્સ નંબર અને રજીસ્ટર્ડ મોબાઈલ નંબર દ્વારા લોગ-ઈન થઈ પોતાની શાળાના વિદ્યાર્થીઓના ગુજકેટ-૨૦૨૬ માટેના એડમિશન કાર્ડ ડાઉનલોડ કરવાની સુવિધા આપવામાં આવી છે.
