અમદાવાદના ભરચક ગણાતા પાલડી વિસ્તારમાં ધોળા દિવસે કાયદો અને વ્યવસ્થાના લીરેલીરા ઉડતી એક ઘટના સામે આવી છે. ટ્રાફિકમાં વાહન ચલાવવા જેવી નજીવી બાબતે એક ટેક્સીચાલકે બેફામ બનીને ટુ-વ્હીલર ચાલકને છરી બતાવી જાનથી મારી નાખવાની ધમકી આપતા સમગ્ર વિસ્તારમાં ફફડાટ વ્યાપી ગયો છે.
ટ્રાફિકમાં નજીવી બાબત પર છરી બતાવી ધમકી આપી
પાલડીના જાહેર માર્ગ પર એક ટુ-વ્હીલર ચાલક અને ટેક્સીચાલક વચ્ચે વાહન ચલાવવા બાબતે બોલાચાલી થઈ હતી. સામાન્ય તકરારમાં ઉશ્કેરાયેલા ટેક્સીચાલકે પોતાની ગાડીમાંથી અચાનક છરી કાઢી હતી અને જાહેર રસ્તા પર લોકોની હાજરીમાં જ યુવકને ધમકાવવાનું શરૂ કર્યું હતું. કાયદાનો જરા પણ ડર ન હોય તેમ ટેક્સીચાલકે દાદાગીરી કરતા યુવકને કહ્યું હતું કે, "તું લાલ દરવાજા આવી જા, ત્યાં તારું મર્ડર કરી નાખીશ."
