Dangમાં દીપડાના હુમલામાં જીવ ગુમાવનાર બાળકના પરિવારને મળી સહાય

Daangમાં દીપડાના હુમલામાં જીવ ગુમાવનાર બાળકના પરિવારને મળી સહાય

ડાંગ જિલ્લામાં વન્ય પ્રાણીઓના વધતા હુમલાઓ વચ્ચે એક કરૂણ ઘટના સામે આવી હતી, જેમાં એક માસૂમ બાળકે જીવ ગુમાવ્યો હતો. ગત 23મી ડિસેમ્બરના રોજ ડાંગના જંગલ વિસ્તારમાં આવેલા મહાલ ગામે હિંસક દીપડાએ એક બાળક પર હુમલો કર્યો હતો, જેમાં બાળકનું કમકમાટીભર્યું મોત નીપજ્યું હતું. આ ઘટના બાદ રાજ્ય સરકાર દ્વારા ત્વરિત કાર્યવાહી કરીને મૃતક બાળકના પરિવારજનો માટે આર્થિક સહાય જાહેર કરવામાં આવી હતી. ડાંગ જિલ્લાના પ્રભારી મંત્રી જયરામ ગામિત અને વિધાનસભાના નાયબ મુખ્ય દંડક વિજય પટેલે પિડીત પરિવારની મુલાકાત લીધી હતી.

રાજ્ય સરકારે મૃતકના પરિજનોને આપી સહાય

તેઓએ પરિવારને સાંત્વના પાઠવી હતી અને રાજ્ય સરકાર તરફથી મળવાપાત્ર રૂ.10 લાખનો સહાયનો ચેક અર્પણ કર્યો હતો. આ હિંસક દીપડો હજુ પણ વિસ્તારમાં હોવાથી વન વિભાગ દ્વારા તેને પકડવા માટેના ચક્રો ગતિમાન કરવામાં આવ્યા છે. મંત્રીઓએ ગ્રામજનોને અપીલ કરી છે કે: જ્યાં સુધી દીપડો પાંજરે ન પુરાય ત્યાં સુધી જંગલ વિસ્તારમાં એકલા ન જવું. રાત્રિના સમયે ઘરની બહાર નીકળવાનું ટાળવું અને સાવચેત રહેવું. આ સહાયથી પરિવારના દુખમાં તો ઘટાડો નહીં થાય, પરંતુ આર્થિક રીતે તેમને ટેકો મળી રહેશે. વન વિભાગ હાલ દીપડાને પાંજરે પૂરવા માટે મથામણ કરી રહ્યું છે.

ગુજરાતના વધુ સમાચાર વાંચવા માટે ક્લિક કરો