Amreli : સિવિલના તબીબની ગંભીર બેદરકારી, પ્રસૂતિ બાદ મહિલાના શરીરમાં સોય રહી ગયાનો આક્ષેપ, કાર્યવાહી કરવા મહિલાના પરિજનોની માગ

અમરેલી સિવિલ હોસ્પિટલ સામે તબીબી બેદરકારીના ગંભીર આક્ષેપ ઉઠ્યા છે. ધારી તાલુકાના ફતેગઢ ગામના એક પૂર્વ સરપંચે હોસ્પિટલ પર આરોપ મૂક્યો છે કે પ્રસૂતિ માટે દાખલ થયેલી મહિલાના શરીરમાં ઇન્જેક્શનની સોય રહી ગઈ હતી.

 ધારી સિવિલ હોસ્પિટલમાં તપાસમાં ખુલાસો

પૂર્વ સરપંચના આરોપ મહિલાએ ચાર મહિના સુધી પીડા સહન કરી હતી અને ત્યારબાદ ધારી સિવિલ હોસ્પિટલમાં તપાસ દરમિયાન સોય શરીરમાં ફસાઈ હોવાનો ખુલાસો થયો હતો

બોટલ ચડાવતી વખતે સોય તૂટી ગઇ

પ્રસૂતિ દરમિયાન બોટલ ચડાવતી વખતે સોય તૂટી ગઇ હતી અને શરીરમાં જ રહી ગઇ હોવાનો આરોપ લગાવાયો હતો.

સિવિલ હોસ્પિટલના સ્ટાફે આ અંગે યોગ્ય પ્રતિસાદ ન આપ્યો

પરિવારના આરોપ અનુસાર, સિવિલ હોસ્પિટલના સ્ટાફે આ અંગે યોગ્ય પ્રતિસાદ ન આપ્યો હતો ત્યાર બાદ ધારીની સિવિલ હોસ્પિટલમાં ઓપરેશન કરાવતા સોય બહાર કાઢવામાં આવી હતી.

ઘટનાને લઈને ભારે રોષ ફેલાયો

સ્થાનિકોમાં આ ઘટનાને લઈને ભારે રોષ ફેલાયો છે અને જવાબદાર સામે તાત્કાલિક કાર્યવાહી કરવાની માંગ કરી છે.

આ પણ વાંચો----    Ambaji : રોંગ સાઇડમાં કાર ચલાવી વાહનોને અડફેટે લેનારા બુટલેગર મેહુલ બારોટની ધરપકડ, ગાંધીનગર સુધી પહોંચ્યો મામલો