ધાનેરા તાલુકાના કોટડા નજીક ગોઝારો માર્ગ અકસ્માત સર્જાયો છે, જેમાં શટલ ઈકો કાર અને પિકઅપ ડાલા વચ્ચે જોરદાર અથડામણ થતાં 21થી વધુ લોકો ઘાયલ થયા છે, જ્યારે એક વ્યક્તિનું મોત નિપજ્યું હોવાનું જાણવા મળ્યું છે. ઘટનાને કારણે વિસ્તારમાં હાહાકાર મચી ગયો છે.
18થી વધુ લોકોને ઘેટાં-બકરાંની જેમ બેસાડ્યા હતા
મળતી માહિતી મુજબ ઈકો ગાડીમાં સવાર લોકો ડીસાથી જેલોત્રા ગામ તરફ જઈ રહ્યા હતા. ગાડીમાં ક્ષમતા કરતાં ઘણાં વધુ લોકો ભરાયા હતા અને અંદાજે 18થી વધુ લોકોને ઘેટાં-બકરાંની જેમ ગોઠવીને મુસાફરી કરાવવામાં આવી રહી હતી, જેના કારણે અકસ્માત સમયે નુકસાન વધુ થયું હોવાનું માનવામાં આવે છે. અકસ્મતમાં ઈકો અને પિકઅપ વચ્ચે જોરદાર ટક્કર થતાં ઘણા મુસાફરો ગંભીર રીતે ઈજાગ્રસ્ત થયા. ઘટના બાદ સ્થાનિક લોકો તરત જ મદદ માટે દોડી આવ્યા અને બચાવ કામગીરી શરૂ કરી હતી. ઘાયલોમાંથી 12થી વધુ લોકોને તાત્કાલિક સારવાર માટે પાલનપુર ખાતે ખસેડવામાં આવ્યા છે.
