બનાસકાંઠા જિલ્લાના ભાભરના નેસડા ગામે દારૂની વધતી પ્રવૃતિને લઈ ગ્રામજનોએ સંયુક્ત રીતે નિર્ણય લઇ કડક પગલાં લેવાનો નિર્ણય કર્યો છે. નિલકંઠ મહાદેવ મંદિર ખાતે ગામના અનેક નાગરિકો એકઠા થયા અને ગામમાં દારૂની પ્રવૃત્તિ સંપૂર્ણપણે બંધ કરવા માટે સર્વસંમતિથી નિયમો બનાવ્યા.
જો કોઈ દારૂ વેચતો પકડાશે તો 21,000 રૂપિયાનો દંડ
નિયમો અનુસાર, જો કોઈ દારૂ વેચતો પકડાશે તો 21,000 રૂપિયાનો દંડ ભરવો પડશે. જ્યારે કોઈ દારૂ પીતા પકડાય તો 11,000 રૂપિયાનો દંડ થશે. આ નિર્ણય ગામના લોકો દ્વારા દારૂની હાનિકારક અસરથી બચાવા માટે કરાયો છે.
