ભાવનગર શહેરના હાર્દ સમાન કલેક્ટર કચેરી વિસ્તારમાં આજે અચાનક આગ લાગવાની ઘટના બનતા દોડધામ મચી ગઈ હતી. કલેક્ટર કલેક્ટર કચેરીના પાછળના ભાગે આવેલા ખુલ્લા મેદાનમાં પડેલા કચરાના ઢગલામાં આગ ફાટી નીકળી હતી, જેણે જોતજોતામાં વિકરાળ સ્વરૂપ ધારણ કરી લીધું હતું.
ટાયરો સળગતા આગ બની ભયાનક
મેદાનમાં કચરાની સાથે જૂના વાહનોના ટાયરો પણ પડેલા હતા. કચરામાં લાગેલી આગ આ ટાયરો સુધી પહોંચતા કાળા ધુમાડાના ગોટેગોટા આકાશમાં જોવા મળ્યા હતા. ટાયર સળગવાને કારણે આગ વધુ પ્રચંડ બની હતી અને આસપાસના વિસ્તારમાં ગભરાટ ફેલાયો હતો. સરકારી કચેરીની તદ્દન નજીક આગ હોવાથી તંત્ર પણ તાત્કાલિક હરકતમાં આવ્યું હતું.
