ગુજરાતના પાટનગર ગાંધીનગરમાં થઈ રહેલા સતત શહેરી વિસ્તરણને ધ્યાનમાં રાખીને નાગરિકોની સુરક્ષા માટે ફાયર વિભાગને વધુ સજ્જ કરવામાં આવ્યું છે. ગાંધીનગર ફાયર બ્રિગેડના કાફલામાં નવા અદ્યતન 9 ફાયર વાહનોનો ઉમેરો કરવામાં આવ્યો છે, જેનાથી કટોકટીના સમયે કામગીરી વધુ ઝડપી અને અસરકારક બનશે.
કાફલામાં કયા વાહનોનો થયો ઉમેરો?
ફાયર વિભાગ દ્વારા અત્યંત આધુનિક ટેકનોલોજી ધરાવતા વાહનો વસાવવામાં આવ્યા છે, જેમાં 3 ગજરાજ (વોટર ટેન્કર) - જે પાણીની મોટી ક્ષમતા ધરાવે છે, 3 ઇમરજન્સી (રેસ્ક્યૂ) ટેન્ડર - અકસ્માત કે અન્ય આફતોમાં બચાવ કામગીરી માટે અને 3 મીની ફાયર ફાઇટર - સાંકડી ગલીઓ કે ઓછી જગ્યામાં ઝડપથી પહોંચવા માટે ઉપયોગ થાય છે. એમ કૂલ 9 નવા વાહનોનો સમાવેશ ગાંધીનગર ફાયર વિભાગમાં કરવામાં આવ્યો છે.
