આજે વર્ષ 2025નો અંતિમ દિવસ હોવાથી ઠેર ઠેર પાર્ટીઓનું આયોજન કરવામાં આવ્યું છે. ગુજરાતની અન્ય રાજ્યોની જોડતી બોર્ડર પર પોલીસનું કડક ચેકિંગ શરૂ થયું છે. સાબરકાંઠામાં રાજસ્થાનની બોર્ડર પોલીસે સઘન તપાસ શરૂ કરી છે. રાજસ્થાનથી ગુજરાતમાં પ્રવેશતા તમામ વાહનોનું ચેકિંગ કરવામાં આવી રહ્યું છે. પોલીસ સહિતની ખાનગી એજન્સીઓ પણ એલર્ટ થઈ ગઈ છે.
સીસીટીવી કેમેરાથી બાજ નજર
સાબરકાંઠામાં રાજસ્થાનને જોડતી બોર્ડર પર પોલીસનો બંદોબસ્ત ગોઠવાઈ ગયો છે. રાજસ્થાનથી ગુજરાતમા પ્રવેશતા તમામ વાહનોનું ચેકિંગ હાથ ધરવામાં આવી રહ્યું છે. વિજયનગર રાણી બોર્ડર પર પોલીસે તમામ વાહનોની બારીકાઈથી તપાસ શરૂ કરી છે. રાજસ્થાન બોર્ડર પર ખેરવાડા અને ડુંગરપુરથી ગુજરાતના માર્ગ પર પોલીસ અને સીસીટીવી કેમેરાથી બાજ નજર રાખવામાં આવી રહી છે. પોલીસ ચરસ, ગાંજા સહિત વિદેશી દારૂની હેરાફેરીને રોકવા પ્રયાસ કરી રહી છે.
