મહેસાણા જિલ્લાના કડીમાં વાલીઓ માટે ચેતવણીરૂપ એક ચોંકાવનારો કિસ્સો પ્રકાશમાં આવ્યો છે. કડીમાં એક 7 વર્ષનો માસૂમ બાળક રમતા-રમતા આખી પેન્સિલ ગળી ગયો હતો. ગંભીર હાલતમાં બાળકને હોસ્પિટલ ખસેડવામાં આવતા તબીબોએ સફળ ઓપરેશન કરી બાળકના પાચન તંત્રમાંથી પેન્સિલ બહાર કાઢી નવજીવન આપ્યું છે.
રમતા-રમતા સર્જાયો ગંભીર અકસ્માત
ઘટનાની મળતી માહિતી અનુસાર, કડીમાં રહેતો 7 વર્ષનો બાળક ઘરે પેન્સિલ સાથે રમી રહ્યો હતો. આ દરમિયાન અચાનક પેન્સિલ તેના મોઢામાં જતી રહી હતી અને જોતજોતામાં બાળક 5 સેમી લાંબી પેન્સિલ ગળી ગયો હતો. બાળકને ગભરામણ અને તકલીફ થતા પરિવારજનો તાત્કાલિક હરકતમાં આવ્યા હતા અને તેને નજીકની હોસ્પિટલમાં સારવાર અર્થે લઈ ગયા હતા.
