Kheda News: હાલ સમગ્ર રાજ્યમાં દારુ મામલે રાજકારણ ગરમાયું છે. રાજ્યામાં દારુબંધીનો કાયદો અમલમાં છે, તેમ છતા દરેક શહેર અને લગભગ તમામ ગામમાં દેશી કે વિદેશી દારુ મળી રહે છે, તે સચ્ચાઈ જગ જાહેર છે. આવામાં ખેડા જિલ્લાની ફતેપુરા ગ્રામ પંચાયત દ્વારા દારુના દુષણને ડામવા માટે એક બેઠક બોલાવવામાં આવી હતી. આ બેઠકમાં ફતેપુરા ગ્રામ પંચાયત દ્વારા ઐતિહાસિક ઠરાવ કરવામાં આવ્યો છે.
તમામ સરકારી લાભો બંધ કરી દેવામાં આવશે
ખેડા જિલ્લાના ગળતેશ્વર તાલુકાના ફતેપુરા ગ્રામ પંચાયત દ્વારા ઐતિહાસિક ઠરાવ કરવામાં આવ્યો છે. આ ઠરાવમાં દેશી દારુનુ વેચાણ કરતા 5 ઈસમોને વહેલી તકે પોતાનો ગેરકાયદેસર ધંધો બંધ કરી દેવા માટે ગ્રામ પંચાયત દ્વારા આદેશ કરવામાં આવ્યો છે. આ ઠરાવમાં જણાવવામાં આવ્યું છે કે, જો દારુબંધીનુ પાલન નહી કરવામાં આવે, તો મળતા તમામ સરકારી લાભો બંધ કરી દેવામાં આવશે.
