કચ્છના અંતરિયાળ વિસ્તારોમાં વિદેશી સોપારી ઘુસાડવાનું નેટવર્ક ફરી સક્રિય થયું હોય તેમ જણાય છે. ભચાઉ તાલુકાના આધોઈ ગામેથી શંકાસ્પદ વિદેશી સોપારી ભરેલું એક આખું ટ્રેલર ઝડપાતા ચકચાર મચી ગઈ છે. R.R. સેલના અધિકારીઓએ ચોક્કસ બાતમીના આધારે આ કાર્યવાહી કરી લાખોની કિંમતનો જથ્થો જપ્ત કર્યો છે.
અંતરિયાળ ગામમાં સોપારીનો જથ્થો
મળતી માહિતી મુજબ, આધોઈ જેવા અંતરિયાળ ગામમાં વિદેશી સોપારી ભરેલું ટ્રેલર પહોંચતા અનેક સવાલો ઉભા થયા છે. બંદરો પરથી આવતો આવો જથ્થો ગામડાઓના રસ્તે શા માટે લઈ જવામાં આવતો હતો, તે તપાસનો મુખ્ય વિષય છે. R.R. સેલના ઉચ્ચ અધિકારીઓ હાલ આ મામલે ઝીણવટભરી તપાસ કરી રહ્યા છે.
