મોરબીના જૂના ઘુટું રોડ પર એક હચમચાવી દેનારી અકસ્માતની ઘટના સામે આવી છે. પુરપાટ ઝડપે જઈ રહેલા એક કન્ટેનરે કાર પર પલટી મારતા કારમાં સવાર પતિ-પત્નીના ઘટનાસ્થળે જ કમકમાટીભર્યા મોત નીપજ્યા છે, જ્યારે અન્ય બે વ્યક્તિઓને ગંભીર ઈજાઓ પહોંચી છે. ટંકારાનો એક પરિવાર હળવદથી પોતાના ઘરે પરત ફરી રહ્યો હતો. આ દરમિયાન નવ નાલા પાસે એક કન્ટેનર કાર ઉપર અચાનક પલટી ગયું હતું.
હળવદથી પરત ફરતી વેળા સર્જાયો હતો અકસ્માત
આ ભીષણ અકસ્માતમાં કારનો કચ્ચરઘાણ નીકળી ગયો હતો અને તેમાં સવાર મંજુબેન મનસુખભાઈ અને મનસુખભાઈ મનજીભાઈનું ગંભીર ઈજાઓ થવાના કારણે કરુણ મોત નીપજ્યું હતું. અકસ્માત બાદ કન્ટેનર ચાલક પોતાનું વાહન મૂકીને સ્થળ પરથી ફરાર થઈ ગયો હતો.
