નવસારી જિલ્લાના દરિયાઈ વિસ્તારમાં સુરક્ષા વ્યવસ્થા વધુ મજબૂત બનાવવા માટે મરીન ટાસ્ક ફોર્સ દ્વારા વિશેષ પેટ્રોલિંગ હાથ ધરવામાં આવ્યું છે. નવસારી જિલ્લાની દરિયાઈ સીમા પર મરીન ટાસ્ક ફોર્સ તેમજ મરીન કમાન્ડોની ટીમ દ્વારા સઘન પેટ્રોલિંગ કરવામાં આવ્યું હતું.
નવસારીના દીપલા થી બોરસી માછીવાડ સુધીની દરિયાઈ પટ્ટી પર સઘન ચેકિંગ
આ કામગીરી અંતર્ગત નવસારીના દીપલા થી બોરસી માછીવાડ સુધીની દરિયાઈ પટ્ટી પર સઘન ચેકિંગ કરવામાં આવ્યું. પેટ્રોલિંગ દરમિયાન માછીમારોની હલચલ, બોટોની ચકાસણી તેમજ દરિયાઈ માર્ગે થતી અવર જવર પર ખાસ નજર રાખવામાં આવી હતી.
