રાજકોટના મવડી વિસ્તારમાં આવેલા બાપા સીતારામ ચોક પાસે રહેતા સબાડ પરિવાર પર દુઃખનો પહાડ તૂટી પડ્યો છે. તેમની 9 વર્ષની પુત્રી માહી સબાડને અચાનક હાર્ટ એટેક આવ્યો હતો. માસૂમ માહીને તાત્કાલિક સારવાર મળે તે પહેલા જ તેના પ્રાણ પંખેરુ ઊડી ગયા હતા. 9 વર્ષની કુમળી વયે હાર્ટ એટેકની આ ઘટનાએ તબીબી જગત અને વાલીઓ માટે ચિંતાનો વિષય ઉભો કર્યો છે.
પરિવાર શોકમાં ગરકાવ
હસતી-રમતી માહીના અચાનક નિધનથી પરિવારજનો સ્તબ્ધ થઈ ગયા છે. બાપા સીતારામ ચોક પાસેના નિવાસસ્થાને માહીના મોતના સમાચાર મળતા જ આસપાસના રહીશો પણ શોકમાં ડૂબી ગયા હતા. એક નાની બાળકીનું હૃદય બંધ પડી જવાથી થયેલા મોતે અનેક સવાલો અને ચિંતાઓ જન્માવી છે.
