Rajkot : મનપાની ઘોર બેદરકારી, ખરાબ-રોડ રસ્તાને કારણે મોવડી રોડ પર એક્ટિવા ચાલક મહિલાને અકસ્માત

રાજકોટ શહેરના મોવડી રોડ પર કોર્પોરેશનની ઘોર બેદરકારીના કારણે અકસ્માત સર્જાતા એક મહિલાને ગંભીર ઇજા થઇ હતી.

મોવડી રોડ પર એક્ટિવા ચાલક મહિલાને અકસ્માત

પ્રાપ્ત માહિતી અનુસાર, મોવડી રોડ પર રાત્રિના સમયે એક્ટિવા પર એક મહિલા પસાર થઇ રહી હતી ત્યારે બાપા સીતારામ ચોક પાસે ખરાબ રસ્તામાં તેનું એક્ટિવા પટકાયું હતું જેના કારણે એક્ટિવા પર સવાર મહિલા સહિત ત્રણ વ્યક્તિ નીચે પટકાયા હતા.

અકસ્માતમાં મહિલાને ગંભીર ઇજા

આ અકસ્માતમાં મહિલાને ગંભીર ઇજા થતાં તેને તત્કાળ સારવાર માટે હોસ્પિટલમાં ખસેડાઇ છે જ્યાં તેની તબિયત નાજૂક ગણાવાઇ છે

ખરાબ રસ્તાના કારણે આ ગંભીર અકસ્માત સર્જાયો

ખરાબ રસ્તાના કારણે આ ગંભીર અકસ્માત સર્જાયો હતો જેથી કોર્પોરેશનની લાપરવાહી છતી થઇ હતી. ઘટનાના પગલે લોકોમાં રોષ જોવા મળ્યો હતો.

પોલીસે સમગ્ર મામલે તપાસ શરુ કરી

પોલીસે સમગ્ર મામલે તપાસ શરુ કરી છે. આ માંમલે જવાબદારો સામે કાર્યવાહી કરાય તેવી માગ સ્થાનિકોએ કરી છે. 

આ પણ વાંચો-----    Vadodara : નાર્કોટિક્સ કેસમાં મોટો ખુલાસો, SMCએ SOGના ASI લક્ષ્મી દેસાઇની ધરપકડ કરી