એરપોર્ટ ઓથોરિટીએ જણાવ્યા મુજબ, રાજકોટ આંતરરાષ્ટ્રીય વિમાનમથકે ભારતીય વિમાનપત્તન પ્રાધિકરણ (AAI) દ્વારા 21 નવેમ્બર 2025ના રોજ સવારે 10:30 થી 11:15 કલાક દરમિયાન વાર્ષિક બોમ્બ ધમકી મૉક એક્સરસાઇઝ સફળતાપૂર્વક યોજાઈ. આ અભ્યાસનું મુખ્ય ઉદ્દેશ્ય કોઈપણ આકસ્મિક પરિસ્થિતિ દરમિયાન વિવિધ સુરક્ષા એજન્સીઓની તાત્કાલિક પ્રતિસાદ ક્ષમતા, પરસ્પર સમન્વય અને SOPના પાલનની કાર્યક્ષમતા તપાસવાનું હતું.
AAI, ફાયર, CISF, સ્ટેટ BDDS, સ્ટેટ QRT, SOG સ્ટાફ દોડી ગયો
આ મૉકડ્રિલમાં AAI, ફાયર વિભાગ, CISF, સ્ટેટ BDDS, સ્ટેટ QRT, SOG, એરલાઇન સ્ટાફ, તેમજ મેડિકલ ટીમ સહિત વિમાનમથકે કાર્યરત અનેક હિતધારકોએ સક્રિય ભાગ લીધો. તમામ ટીમોએ પોતાના કાર્યમાં ચુસ્તતા, ઝડપી પ્રતિભાવ અને ઉત્તમ સમન્વય દર્શાવી અભ્યાસને સફળ બનાવ્યો હતો.
