સુરત મહાનગરપાલિકાની ચૂંટણીના ગરમાવા વચ્ચે કતારગામ વિસ્તારમાં ભાજપ માટે મુશ્કેલીઓ વધી રહી હોય તેવું લાગી રહ્યું છે. કતારગામ વોર્ડ નંબર 7 માં આવેલા શંકરનગર વિસ્તારમાં ભાજપના ઉમેદવાર રઘુ ખૂંટ સામે સ્થાનિક રહીશોએ મોરચો માંડ્યો છે. એક પછી એક સોસાયટીના લોકો રઘુ ખૂંટના વિરોધમાં ઉતરી આવતા ભાજપના પ્રચાર અભિયાનમાં મોટું વિઘ્ન આવ્યું છે.
હપ્તાખોરીના ગંભીર આક્ષેપો અને હોસ્પિટલ વિવાદ
નોંધનીય છે કે, ગઈકાલે જ સમજુબા હોસ્પિટલ માં હપ્તા લેવાના ગંભીર આક્ષેપો રઘુ ખૂંટ પર કરવામાં આવ્યા હતા. આ હપ્તાખોરીના મામલે લોકોમાં ભારે નારાજગી જોવા મળી રહી છે. ભ્રષ્ટાચાર અને જોહુકમીના આક્ષેપો બાદ સ્થાનિકોએ રઘુ ખૂંટને પોતાના વિસ્તારમાં સ્વીકારવાનો સ્પષ્ટ ઈન્કાર કરી દીધો છે. આ આક્ષેપોએ સોશિયલ મીડિયા અને રાજકીય વર્તુળોમાં ભારે ચર્ચા જગાડી છે.
