સુરત શહેરના પોશ ગણાતા સીટી લાઈટ વિસ્તારમાં આજે અચાનક આગ લાગવાની ઘટના સામે આવતા ભયનો માહોલ સર્જાયો હતો. સીટી લાઈટમાં આવેલી જાણીતી રુધતાં બિલ્ડિંગમાં આ આગ ફાટી નીકળી હતી. જોતજોતામાં આગની લપેટોએ વિકરાળ સ્વરૂપ ધારણ કરતા આસપાસના વિસ્તારમાં દોડધામ મચી ગઈ હતી.
બે બિલ્ડિંગો આગની ઝપેટમાં
ઘટનાની મળતી પ્રાથમિક માહિતી અનુસાર, આગ એટલી ભીષણ હતી કે, તેણે બે બિલ્ડિંગોને પોતાની ઝપેટમાં લીધી હતી. બિલ્ડિંગમાંથી ધુમાડાના કાળા ગોટેગોટા બહાર આવતા જોઈ લોકોમાં ફફડાટ ફેલાયો હતો. ઘટનાની જાણ થતા જ સુરત ફાયર વિભાગની ગાડીઓનો કાફલો ઘટના સ્થળે પહોંચી ગયો હતો.
