ડુમસમાં દિવાળીની રાત્રે પ્રેમી સાથે ફરવા ગયેલી સગીર યુવતી પર ચાર નરાધમો દ્વારા પાશવી ગેંગરેપ આચરી લૂંટ કરવાના અત્યંત ચકચારી ગુનામાં આજીવન કેદની સજા થતાં ૧૩ વર્ષ પહેલાં પેરોલ લઇ ભાગી ગયેલા એક નરાધમને બિહારથી ઝડપી લેવામાં ક્રાઈ મ બ્રાન્ચને સફળતા મળી હતી.
ગેંગરેપ કર્યા બાદ બંને પાસેથી રોકડ અને દાગીના પણ લૂંટી લેવામાં આવ્યા હતા
પોલીસ સુત્રો દ્વારા મળતી માહિતી અનુસાર ૩૧મી ઓક્ટોબરની દિવાળી પૂરી થયા બાદ પહેલી નવેમ્બરે નવા વર્ષની શરૂઆત શહેરમાં મનહુસ ખબર લઈને આવી હતી. કોટ વિસ્તારની સગીરા તેના પ્રેમી સાથે દિવાળીની રાત્રે ફરવા ગઈ હતી ત્યારે ચાર નરાધમો બંનેને ઘસડી ગયા હતા. યુવતીના પ્રેમીને ઢોરમાર મારી તેને બંધક બનાવી રાખ્યો હતો. તેને મારી નાંખવાની ધમકી આપી ચારેય નરાધમો આખી રાત આ સગીરાને પીંખતા રહ્યા હતા. ગેંગરેપ કર્યા બાદ બંને પાસેથી રોકડ અને દાગીના પણ લૂંટી લેવામાં આવ્યા હતા.
