Surat News: ધ્વનિ પ્રદુષણ અટકાવવા સુરત ટ્રાફિક પોલીસની ખાસ ડ્રાઇવ, કરવામાં આવી કડક કાર્યવાહી

સુરત શહેરમાં વધી રહેલા ધ્વનિ પ્રદૂષણને નિયંત્રિત કરવા માટે સુરત ટ્રાફિક પોલીસ દ્વારા એક ખાસ ડ્રાઇવનું આયોજન કરવામાં આવ્યું છે. આ ડ્રાઇવનો મુખ્ય ઉદ્દેશ્ય "ધ્વનિ પ્રદૂષણ અટકાવવું" છે. સુરત ટ્રાફિક પોલીસ દ્વારા ધ્વનિ પ્રદૂષણ સામે દંડાત્મક કાર્યવાહી કરવામાં આવી રહી છે. જેમાં ઘણા રિક્ષા ચાલકો દ્વારા રિક્ષામાં લગાવવામાં આવેલા ગેરકાયદે હોર્ન હટાવવામાં આવ્યા હતા.

વાહનચાલકો સામે કડક કાર્યવાહી કરવામાં આવી

સુરત પોલીસ દ્વારા આ અભિયાન અંતર્ગત એવા વાહનચાલકો સામે કડક કાર્યવાહી કરવામાં આવી છે, જેમણે પોતાના વાહનોમાં મોડિફાઇડ હોર્ન લગાવ્યા છે અને બિનજરૂરી રીતે મોટા અવાજમાં હોર્ન વગાડીને અવાજનું પ્રદૂષણ ફેલાવે છે. આ વિશેષ ડ્રાઇવ થકી સુરત ટ્રાફિક પોલીસે શહેરના નાગરિકોને શાંત અને પ્રદૂષણમુક્ત વાતાવરણ પૂરું પાડવા માટેનો પ્રયાસ કર્યો છે.

આ પણ વાંચો - ભારતીય વિરાંગનાઓએ બનાવ્યા છે આ વિશ્વ પ્રસિદ્ધ સ્થાપત્યો, જુઓ Photos