Surat : વરાછામાં બોમ્બે માર્કેટ નજીક ઓવરહેડ પાણીની ટાંકીની પાઇપ લાઇન તૂટી, રોડ પર અડધો કિમી સુધી પાણી ભરાયા

સુરત શહેરના વરાછા વિસ્તારમાં બોમ્બે માર્કેટની સામેના રોડ પર મહાનગરપાલિકા ની ઓવરહેડ પાણીની ટાંકીની પાઇપ તૂટવાના કારણે અડધા કિમી સુધી રોડ પર પાણી ભરાઈ ગયું છે. પાણી ભરાતા લોકોને અને વાહન ચાલકોને ભારે મુશ્કેલીનો સામનો કરવો પડી રહ્યો છે.

રોડ પર ગોઠણ સુધી પાણી ભરાયું

સ્થાનિકોએ જણાવ્યું કે બોમ્બે માર્કેટની સામેના રસ્તા પર પાણી ભરાતા ટ્રાફિક જામ થઇ ગયો હતો અને રોડ પર ગોઠણ સુધી પાણી ભરાયું હોવાને કારણે વાહન ચાલકો ફસાઈ ગયા. દુકાનોની સામે પણ પાણી ભરાઈ ગયું છે.

લોકો અને વાહનચાલકોને મુશ્કેલી વધી

પાણી સતત વહેતા હોવાથી નિકાલ પણ થતો નથી. ઘટનાના અડધા કલાક પછી પણ પાલિકાના કોઈ અધિકારી સ્થળ પર હાજર નહોતાં, જેના કારણે લોકો અને વાહનચાલકોને મુશ્કેલી વધી ગઈ હતી.

પાલિકાની કામગીરી અંગે અસંતોષ

સ્થાનિકોએ પાલિકાની કામગીરી અંગે અસંતોષ વ્યક્ત કર્યો છે અને જણાવ્યું છે કે આ મામલે તાત્કાલિક કાર્યવાહી કરવામાં આવે.

આ પણ વાંચો---    Aravallis Hills: હવે કોઈ નવા ખાણકામની મંજૂરી નહીં, સંરક્ષિત ક્ષેત્રનો પણ વિસ્તાર કરાશે, વિવાદ વચ્ચે કેન્દ્ર સરકારનો મહત્વનો નિર્ણય