Suratનું ખટોદરા પોલીસ સ્ટેશન સુવિધાઓમાં અવ્વલ, સંદેશ ન્યૂઝના રિયાલિટી ચેકમાં સામે આવી હકીકત

ગુજરાતમાં કાનૂની સહાય અને પોલીસ આધુનિકીકરણ માટે ફાળવવામાં આવેલા બજેટનો પૂરતો ઉપયોગ થતો નથી તેવી ચર્ચાઓ વચ્ચે 'સંદેશ ન્યૂઝ'ની ટીમ દ્વારા સુરતના ખટોદરા પોલીસ મથકનું ખાસ રિયાલિટી ચેક કરવામાં આવ્યું હતું. આ તપાસ દરમિયાન ખટોદરા પોલીસ સ્ટેશનમાં બજેટનો સકારાત્મક ઉપયોગ અને આધુનિક સુવિધાઓનું ઉત્તમ ઉદાહરણ જોવા મળ્યું છે.

કાનૂની સહાયના બજેટ વપરાશ રિયાલિટી ચેક

મહિલા સુરક્ષા અને સાયબર સેલ પર ભાર રિયાલિટી ચેક દરમિયાન જોવા મળ્યું કે, મહિલા અરજદારો પોતાની રજૂઆત નિર્ભયતાથી કરી શકે તે માટે 'મહિલા હેલ્પ ડેસ્ક'નો એક અલગ અને સુસજ્જ રૂમ તૈયાર કરવામાં આવ્યો છે. આ ઉપરાંત, હાલના સમયમાં વધતા જતા સાયબર ગુનાઓને અટકાવવા અને તેની તપાસ ઝડપી બનાવવા માટે અદ્યતન ટેકનોલોજી સાથેનો સાયબર ક્રાઈમ રૂમ પણ કાર્યરત કરવામાં આવ્યો છે.

અરજદારો માટે પ્રતિક્ષા ખંડની ઉત્તમ વ્યવસ્થા 

અરજદારો માટે હાઈટેક સુવિધાઓ ખટોદરા પોલીસ મથકમાં આવતા નાગરિકોને હાલાકી ન ભોગવવી પડે તે માટે અદ્યતન 'પ્રતિક્ષા ખંડ' (Waiting Room) ની વ્યવસ્થા કરવામાં આવી છે. આખું પોલીસ સ્ટેશન સુરક્ષાની દ્રષ્ટિએ અત્યંત સજ્જ છે અને દરેક ખૂણે CCTV કેમેરા લગાવવામાં આવ્યા છે, જેથી પારદર્શિતા જળવાઈ રહે. બજેટ વપરાશનું સચોટ ચિત્ર સામાન્ય રીતે સરકારી વિભાગોમાં ગ્રાન્ટ વણવપરાયેલી રહેતી હોવાની ફરિયાદો ઉઠતી હોય છે, પરંતુ ખટોદરા પોલીસ સ્ટેશનમાં કાનૂની સહાય અને ઈન્ફ્રાસ્ટ્રક્ચર પાછળ થયેલો ખર્ચ જમીની સ્તરે દેખાઈ રહ્યો છે.

ગુજરાતના વધુ સમાચાર વાંચવા માટે ક્લિક કરો