વિશ્વમાં ચાલી રહેલા આંતરિક યુદ્ધની સીધી અસર હવે સુરતના સુપ્રસિદ્ધ કાપડ ઉદ્યોગ પર જોવા મળી રહી છે. વૈશ્વિક અસ્થિરતા અને સ્થાનિક સ્તરે સર્જાયેલી ગેસની ગંભીર અછતને કારણે પાવરલૂમ્સના કારખાનાઓ બંધ થવાની નોબત આવી છે. ખાસ કરીને પાંડેસરા વિસ્તારમાં આવેલા ટેક્સટાઇલ એકમોમાં શ્રમિકોના અભાવે ઉત્પાદન ઠપ થઈ ગયું છે.
શ્રમિકોની હિજરતથી ઉદ્યોગને ફટકો
હોળી-ધૂળેટીના તહેવારોમાં વતને ગયેલા શ્રમિકો હજુ પરત ફર્યા નથી, ત્યાં બીજી તરફ શહેરમાં ગેસ સપ્લાય ખોરવાતા બાકી રહેલા શ્રમિકો પણ વતનની વાટ પકડી રહ્યા છે. પાંડેસરાની સોનલ ઇન્ડસ્ટ્રી-2માં અડધાથી વધુ પાવરલૂમ્સના કારખાનાઓમાં હાલ તાળા લાગી ગયા છે. કારખાનેદારો પાસે કામ હોવા છતાં કારીગરો અને ઊર્જાના સ્ત્રોતની અછતને કારણે મશીનો શાંત પડ્યા છે.
