Vadodaraના સુંદરપુરા ગામમાં સલૂનમાં યુવકને માથામાં હથોડાના ઘા મારી હત્યા કર્યા બાદ આરોપી ફરાર

વડોદરા જિલ્લાના સુંદરપુરા ગામમાં એક યુવકની નિર્દયી હત્યાની ઘટના સામે આવતા વિસ્તારમાં ચકચાર મચી ગઈ છે. મળતી માહિતી મુજબ સુંદરપુરા ગામમાં આવેલા સલૂનમાં યુવક પર જીવલેણ હુમલો કરવામાં આવ્યો હતો, જેમાં તેનું મોત થયું હતું.

જૂની અદાવતના કારણે હુમલો

મૃતકની ઓળખ મિતેષ વાળંદ તરીકે થઈ છે. તે પોતાની સલૂનમાં કામ કરી રહ્યો હતો ત્યારે જૂની અદાવતના કારણે હુમલાખોરે તેના પર હુમલો કર્યો હોવાનું પ્રાથમિક તપાસમાં સામે આવ્યું છે.

હથોડી વડે માથામાં ઘાતક પ્રહાર કર્યા

આરોપીએ મિતેષ પર હથોડી વડે માથામાં ઘાતક પ્રહાર કર્યા હતા, જેના કારણે તેને ગંભીર ઇજા પહોંચી હતી. અને તેનું મોત થયું હતું

આરોપી કિરણ ચાવડા સ્થળ પરથી ફરાર

હુમલો કર્યા બાદ આરોપી કિરણ ચાવડા સ્થળ પરથી ફરાર થઈ ગયો હતો. ઘટનાની જાણ થતાં પોલીસ તાત્કાલિક ઘટનાસ્થળે પહોંચી તપાસ શરૂ કરી હતી.

પોલીસ તપાસ શરુ

આ સમગ્ર મામલે કપુરાઇ પોલીસે ગુનો નોંધી આરોપીની શોધખોળ શરૂ કરી છે. પોલીસે આસપાસના વિસ્તારમાં તપાસ હાથ ધરી છે તેમજ આરોપીને ઝડપી પાડવા માટે અલગ અલગ ટીમો કાર્યરત કરવામાં આવી છે.

જૂની અદાવતના કારણે હત્યા

પ્રાથમિક તપાસ મુજબ જૂની અદાવતના કારણે આ હત્યા કરવામાં આવી હોવાનું અનુમાન લગાવવામાં આવી રહ્યું છે. પોલીસે જણાવ્યું છે કે આરોપી ઝડપાઈ જશે બાદ સમગ્ર ઘટનાનું સાચું કારણ સામે આવશે.

આ પણ વાંચો---      Vadodara : બરોડા ડેરીની ચૂંટણી પહેલા ગરમાવો, કુલદીપસિંહ રાઉલજીનો ઘટસ્ફોટ, હું ઝુક્યો નથી અને ઝુકીશ પણ નહી