સંસ્કારી નગરી વડોદરામાં આજે એક જ દિવસમાં અકસ્માતની બે અલગ-અલગ ઘટનાઓમાં બે ભૂલકાઓના કરુણ મોત નિપજતા સમગ્ર શહેરમાં અરેરાટી વ્યાપી ગઈ છે. કારેલીબાગ વિસ્તારમાં વડોદરા મહાનગરપાલિકાના પાણીના ટેન્કરની અડફેટે આવતા એક 9 વર્ષના બાળકનું ઘટનાસ્થળે જ કમકમાટીભર્યું મોત થયું છે.
કારેલીબાગમાં ટેન્કરની અડફેટે બાળકનું મોત
કારેલીબાગ વિસ્તારમાં બનેલી આ ઘટનામાં, 9 વર્ષનું માસૂમ બાળક રસ્તા પર દોડવા જતું હતું તે જ સમયે મ્યુનિસિપલ કોર્પોરેશનનું પૂરપાટ ઝડપે આવી રહેલું પાણીનું ટેન્કર તેને કચડીને પસાર થઈ ગયું હતું. ટેન્કરના તોતિંગ ટાયર નીચે આવી જવાથી બાળકને ગંભીર ઈજાઓ પહોંચી હતી અને તેને હોસ્પિટલ પહોંચાડે તે પૂર્વે જ તેણે દમ તોડી દીધો હતો. બાળકના મૃતદેહને પોસ્ટમોર્ટમ અર્થે SSG હોસ્પિટલ ખાતે ખસેડવામાં આવ્યો છે.
