સરકારી કામકાજમાં લાંચ-રુશ્વત લેવાની ઘટનાઓ વચ્ચે, જૂનાગઢમાં ACB (એન્ટી કરપ્શન બ્યૂરો) દ્વારા એક અસામાન્ય કિસ્સામાં FSL (ફોરેન્સિક સાયન્સ લેબોરેટરી) રિપોર્ટને 'નીલ' કરવા માટે લાંચ માંગનાર ડ્રાઇવરને છટકું ગોઠવીને ઝડપી લેવામાં આવ્યો છે.
આઉટસોર્સિંગના ધોરણે ડ્રાઇવર તરીકે ફરજ બજાવે છે આરોપી
પ્રાપ્ત વિગતો અનુસાર, આરોપી ડ્રાઇવર સંદીપ રાવલિયા પોલીસના એમ.ટી. વિભાગમાં આઉટસોર્સિંગના ધોરણે ડ્રાઇવર તરીકે ફરજ બજાવતો હતો અને FSL સાથે સંકળાયેલો હતો. આ ડ્રાઇવરે એક દુષ્કર્મ કેસમાં લેવાયેલા નમૂનાઓનો FSL રિપોર્ટ પ્રભાવિત કરીને તેને 'નીલ' (Negative) કરી આપવા માટે ફરિયાદી પાસેથી રૂપિયા 2 લાખની લાંચની માંગણી કરી હતી.
