વડોદરા શહેરમાં આજે એક મોટી દુર્ઘટના ટળી છે. વડોદરા શહેરની લાઈફલાઈન ગણાતી વિટકોસ બસના ડ્રાઈવરને ચાલુ બસે અચાનક ખેંચ આવતા બસ બેકાબૂ બની હતી અને રસ્તાની સાઈડમાં આવેલા ઝાડ સાથે ધડાકાભેર અથડાઈ હતી. આ ગંભીર અકસ્માત સમયે બસમાં 20 જેટલા મુસાફરો સવાર હતા, જેઓનો સદનસીબે આબાદ બચાવ થયો છે.
ડ્રાઈવર કેબિનમાં ફસાયો, ફાયરનું રેસ્ક્યુ
કસ્માત એટલો જોરદાર હતો કે બસનો આગળનો ભાગ કચડાઈ ગયો હતો, જેમાં ડ્રાઈવરનો પગ એક્સિલરેટર અને ક્લચ વચ્ચે ખરાબ રીતે ફસાઈ ગયો હતો. ઘટનાની જાણ થતા જ વડોદરા ફાયર બ્રિગેડની ટીમ તાત્કાલિક ઘટના સ્થળે પહોંચી હતી. ફાયર ફાઈટર્સે આધુનિક સાધનોનો ઉપયોગ કરી બસનો ભાગ કાપીને અત્યંત જહેમત બાદ ડ્રાઈવરનો પગ બહાર કાઢ્યો હતો અને તેને રેસ્ક્યુ કર્યો હતો.
