વલસાડ જિલ્લાના અબ્રામા રોડ પર આજે એક ભયાનક અકસ્માતની ઘટના સામે આવી છે. પુરપાટ ઝડપે આવી રહેલા એક આઇસર ટેમ્પોના ચાલકે સ્ટેયરિંગ પરથી કાબૂ ગુમાવતા માર્ગ પર ઉભેલા અને પસાર થતા ત્રણ વાહનોને જોરદાર ટક્કર મારી હતી. આ સમગ્ર ઘટના નજીકમાં લાગેલા CCTV કેમેરામાં કેદ થઈ ગઈ છે.
શું છે સમગ્ર ઘટના?
ઘટનાની મળતી માહિતી અનુસાર, વલસાડના ધમધમતા અબ્રામા રોડ પરથી પસાર થઈ રહેલા એક આઇસર ટેમ્પોના ચાલકે અચાનક ગફલતભરી રીતે ડ્રાઇવિંગ કરી ત્રણ વાહનોને અડફેટે લીધા હતા. ટક્કર એટલી જોરદાર હતી કે વાહનોને મોટું નુકસાન થયું હતું. અકસ્માત થતા જ આસપાસના સ્થાનિક લોકો તાત્કાલિક ઘટનાસ્થળે દોડી આવ્યા હતા અને અરાજકતાનો માહોલ સર્જાયો હતો.
