Gujarat News: વડાપ્રધાન મોદીએ બહુચરાજીના હાંસલપુર ખાતેથી મારૂતિ સુઝુકીની ઈ-વિટારા કાર લોન્ચ કરી, બેટરીના પ્લાન્ટનું ઉદ્ઘાટન કર્યું

વડાપ્રધાન મોદીના ગુજરાત પ્રવાસનો આજે બીજો દિવસ છે. તેઓ ગાંધીનગર રાજભવનથી બહુચરાજી પાસેના હાંસલપુર ખાતે પહોંચ્યા છે. સુઝુકી કંપનીની પહેલી ઈલેક્ટ્રિક કાર 'Maruti e Vitara'કારને લોન્ચ કરી હતી અને બેટરી પ્લાન્ટનું ઉદ્ઘાટન કર્યું છે. જે ઓટોમોબાઈલ હબમાં ગુજરાતનું સૌથી મોટું પગલું માનવામાં આવે છે. આ ઇલેક્ટ્રિક વ્હીકલ 100 દેશોમાં એક્સપોર્ટ પણ થશે.

સુઝુકી કંપનીના ટોચના અધિકારીઓ સાથે મુલાકાત કરી

વડાપ્રધાન મોદીએ મારૂતિ સુઝુકી પ્લાન્ટ ખાતે સુઝુકી કંપનીના ટોચના અધિકારીઓ સાથે મુલાકાત કરી હતી. તેમણે સમગ્ર પ્લાન્ટની મુલાકાત લઈને વિવિધ બેટરી અંગે જાણકારી મેળવી હતી.  ગુજરાતમાં તૈયાર થયેલી આ કાર જાપાન સહિતના દેશોમાં નિકાસ કરાશે.વડાપ્રધાન મોદીએ સુઝુકીના બેટરી પ્લાન્ટનું પણ ઉદ્ઘાટન કર્યું હતું.વડાપ્રધાને કંપનીના અધિકારીઓ સાથે બેટરી અને કાર અંગે જાણકારી મેળવી હતી. આ કાર સિંગલ ચાર્જમાં 500 કિલોમીટર સુધી દોડશે.

ગઈકાલે 5477 કરોડનાં વિકાસકાર્યાના લોકાર્પણ-ખાત મુહૂર્ત કર્યા

વડાપ્રધાન મોદી ગઈકાલે અમદાવાદ આવ્યા હતાં. તેમણે એરપોર્ટથી નિકોલ સભા સ્થળ સુધી ભવ્ય રોડ શો કર્યો હતો. ત્યાર બાદ 5477 કરોડનાં વિકાસકાર્યાના લોકાર્પણ-ખાત મુહૂર્ત કર્યા હતા.