ગુજરાતમાં નવરાત્રિનો આજે ચોથો દિવસ છે. ત્યારે હવામાન વિભાગે આગામી સાત દિવસ સુધી વરસાદની આગાહી કરી છે. દક્ષિણ ગુજરાતમાં ગાજવીજ સાથે ભારે વરસાદની આગાહી કરવામાં આવી છે. રાજ્યમાં હાલમાં બે વરસાદી સિસ્ટમ સક્રિય હોવાથી વરસાદ થઈ શકે છે. કચ્છમાં અપર એર સાયક્લોનિક સર્ક્યુલેશન સક્રિય થયું છે. બંગાળની ખાડીમાં પણ એક લૉ પ્રેશર સક્રિય થયું છે. આ લૉ પ્રેશર આગામી 12 કલાકમાં ડિપ્રેશનમાં ફેરવાઈ શકે છે.
આજે આ વિસ્તારોમાં વરસાદની સંભાવના
હવામાન વિભાગની આગાહી પ્રમાણે આજે રાજકોટ, જૂનાગઢ, અમરેલી, ગીર સોમનાથ, બોટાદ, ભાવનગર, આણંદ, ભરૂચ, પંચમહાલ, દાહોદ, સુરત, નવસારી, ડાંગ, દમણ, વલસાડ, નર્મદા, દાદરા નગર હવેલી, છોટાઉદેપુર, વડોદરામાં વરસાદની આગાહી કરવામાં આવી છે, હજી પણ વરસાદની એક સિસ્ટમ સક્રિય હોવાથી વરસાદની આગાહી કરવામાં આવી છે. વરસાદની સાથે સાથે પવનની ગતિ પણ 30 થી 35 પ્રતિકલાકની રહેશે.
