Bhiloda: ધોધમાર વરસાદથી ઇન્દ્રાશી નદી બે કાંઠે થઈ, સુનસર ધોધ જીવંત બન્યો

અરવલ્લીમાં મોડી રાત્રીથી ધોધમાર વરસાદ વરસી રહ્યો છે. ભારે વરસાદના પગલે ભિલોડામાં ધોધ વહેતા થયા છે. વરસાદને લઇ સુનસર ધોધ જીવંત બન્યો છે. ડુંગર પર 200 ફૂટની ઉંચાઇથી ધોધ વહે છે. ધોધ જોવા મોટી સંખ્યામાં સહેલાણીઓ ઉમટ્યા છે. ભિલોડાનો સુનસર ઘોધ વધુ એક વખત જીવંત થયો છે.ગત રાત્રી દરમીયાન ભિલોડામાં ધોધમાર વરસાદ ખાબક્યો છે. ઉત્તર ગુજરાતના મીની કાશ્મીર તરીકે સુનસર ધોધ ઓળખાય છે. અહિં સહેલાણીઓ ધોધની મજા માણવા ઉમટી પડે છે.

ભિલોડામાં ધોધ વહેતા થયા

ભિલોડામાં ધોધમાર વરસાદના પગલે ઇન્દ્રાશી નદીમાં નવા નીર આવ્યા છે. ઉપરવાસમાં ભારે વરસાદથી નદી બે કાંઠે વહી રહી છે. ઇન્દ્રાશી બે કાંઠે થતા આસપાસના ગામોના બોર-કુવા રિચાર્જ થશે. આ વિસ્તારના ખેતીપાકને જીવનદાન મળશે. નદી બે કાંઠે થતા ધરતીપુત્રોમાં ખુશી છવાઈ છે. રાજ્યમાં છેલ્લા 24 કલાકમાં 225 તાલુકામાં વરસાદ નોંધાયો છે. જેમાં સાબરકાંઠાના વડાલીમાં સૌથી વધુ 7.36 ઇંચ વરસાદ ખાબક્યો છે.

ઇન્દ્રાશી નદીમાં નવા નીર આવ્યા

આજે રાજ્યમાં સાર્વત્રિક મધ્યમ વરસાદની આગાહી કરવામાં આવી છે. સૌરાષ્ટ્ર, દ.ગુજરાતમાં અતિભારે વરસાદની આગાહી કરવામાં આવી છે. 5 દિવસ માછીમારોને દરિયો ન ખેડવાની સૂચના આપવામાં આવી છે. રાજ્યના દરિયા કાંઠે 3 નંબરનું સિગ્નલ લગાવવામાં આવ્યું છે. 40થી 50 કિમીની ઝડપે પવન ફૂંકાવાની આગાહી છે. હાલમાં 2 વરસાદી સિસ્ટમના કારણે વરસાદી માહોલ છે. ગાંધીનગર, અરવલ્લી, ડાંગમાં ભારે વરસાદનું યેલો એલર્ટ આપવામાં આવ્યું છે.