Banaskantha: ધોધમાર વરસાદમાં 9 લોકોનું જીવના જોખમે રેસ્ક્યુ, ભારે વરસાદથી જ્યાં જુઓ ત્યાં પાણી જ પાણી

બનાસકાંઠાની રેલ નદીમાં પાણીની ભરપૂર આવક જોવા મળી છે. થરાદ પાસેથી પસાર થતી નદીમાં પાણીની આવક થઈ રહી છે. રાજસ્થાનમાં ભારે વરસાદથી પાણીની આવક થી રહી છે. બનાસકાંઠાના સુઈગામમાં ધોધમાર વરસાદ ખાબક્યો છે. સુઈગામમાં ભારે પવન સાથે ધોધમાર વરસાદથી લોકોને હાલાકી ભોગવવાનો વારો આવ્યો છે. ભારે વરસાદથી ગ્રામ્ય વિસ્તારમાં વીજળી ગુલ થઈ છે.

જિલ્લામાં ધોધમાર વરસાદ 

મોડી રાતે ધોધમાર વરસાદથી લાખણીમાં બજારમાં પાણી ભરાયા છે. બજારોમાં ઢીંચણસમા પાણી ભરાતા વાહનચાલકો પરેશાન થયા છે. જ્યારે અમીરગઢમાં પાણીમાં ફસાયેલા યુવકનું રેસ્ક્યુ કરવામાં આવ્યું છે. 16 કલાકથી વધુ સમયથી યુવક નદીમાં ફસાયો હતો. ધસમસતા પાણીના પ્રવાહ વચ્ચે SDRF દ્વારા રેસ્ક્યુ કરાયું છે. ગઈકાલે નદીમાં ફસાયેલા યુવકને બચાવવા કામગીરી કરી લેવામાં આવી છે. દાંતામાં ફસાયેલા 8 લોકોનું રેસ્ક્યુ કરાયું છે. દાંતાના મંડાલી પાસે સાબરમતી નદીમાં ફસાયા હતા. નદીની વચ્ચે ફસાયેલા 8 લોકોનું SDRFએ રેસ્ક્યુ કર્યું છે.

બનાસકાંઠામાં 9 લોકોના રેસ્ક્યું કરાયા 

થરાદમાં ઠેર ઠેર વરસાદી પાણી ભરાયા છે. થરાદના મુખ્ય બજારમાં વરસાદી પાણી ભરાયા છે. ધાનેરા 3 રસ્તા પર વરસાદી પાણી ફરી વળ્યા છે. પાણી ભરાતા વાહન ચાલકોને ભારે હાલાકી પડી રહી છે. દાંતામાં ભારે વરસાદથી નુકસાન થઈ છે. મંડારા વાસમાં સ્વ ખર્ચે બનાવાયેલો પુલ ધોવાયો છે. ગ્રામજનોએ સ્વ ખર્ચે બનાવેલો પુલ ધોવાતા ફરી હાલાકી વેઠવાનો વારો આવ્યો છે. જિલ્લમાં પડી રહેલા વરસાદના કારણે બનાસ નદીમાં પાણીની આવક જોવા મળી છે. ઉપરવાસમાં વરસાદથી બનાસ નદી બે કાંઠે થઈ છે. સિઝનમાં ત્રીજી વાર બનાસ નદી બે કાંઠે થઈ છે. અમીરગઢ સહિત બનાસકાંઠાના લોકોમાં ખુશી જોવા મળી છે. દાંતીવાડા ડેમ 59.10 ટકા ભરાયો છે.