બનાસકાંઠાના આગથળા, કુડા, ભાકડીયાલ, જાલોઢા, માનપુરા, નવાપુરામાં કમોસમી વરસાદ વરસી રહ્યો છે, ત્યારે પ્લાસ્ટિક ઢાંકી મગફળી બચાવવા ખેડૂતો મથામણ કરી રહ્યાં છે, બે દિવસના વિરામબાદ ફરી વરસાદ વરસતા ખેડૂતોની હાલત વધુ કફોડી બની છે, તો હજી ગુજરાતમાં બે દિવસ કમોસમી વરસાદ વરસી શકે છે તેવી આગાહી હવામાન વિભાગ દ્વારા કરવામાં આવી છે.
બનાસકાંઠા પંથકમાં વહેલી સવારથી વરસાદ યથાવત
બે દિવસના વિરામ બાદ આજે ફરી બનાસકાંઠા પંથકમાં કમોસમી વરસાદ વરસી રહ્યો છે, લાખણી, થરાદ, દિયોદર સહિતના વિસ્તારોમાં કમોસમી વરસાદ વરસી રહ્યો છે, લાખણીના આગથળા, કુડા, ભાકડીયાલ સહિતના ગામોમાં કમોસમી વરસાદ વરસી રહ્યો છે, દિયોદરના જાલોઢા, માનપુરા, નવાપુરા સહિતના વિસ્તારોમાં કમોસમી વરસાદ વરસી રહ્યો છે, અગાઉ વરસેલા કમોસમી વરસાદથી મોટાભાગની મગફળીની લણણી કરેલ જણસી સડી ગઈ છે.
