Bharuch: ઉપરવાસમાં ભારે વરસાદથી જંબુસરમાં તળાવ ઓવરફ્લો, તળાવના પાણી ગામમાં ફરી વળ્યા

ભરૂચ સહિત જિલ્લામાં ધોધમાર વરસાદ પડ્યો છે. ભારે વરસાદના કારણે ભરૂચના જંબુસરમાં તળાવ ઓવરફ્લો થયો છે. નોબર ગામે આવેલ તળાવ ઓવરફ્લો થતા નીચાણવાળા વિસ્તારમાં ઘૂંટણસમા પાણી ભરાયા છે. ભરુચમાં ભૂખી ખાડીના પાણી ફરી વળ્યા છે. આમોદ-વાગરા રોડ પર પાણી ફરી વળ્યા છે. બુવા ગામ પાસે પાણીમાં ટેન્કર ફસાયું છે. વાગરાથી વાયા બુવા આમોદનો સંપર્ક તૂટ્યો છે.

ભરૂચ સહિત જિલ્લામાં ધોધમાર વરસાદ

નોબર ગામે આવેલ ગામ તળાવ ઓવરફ્લો થયો છે.  તળાવ ઓવરફ્લો થતા નીચાણવાળા વિસ્તારમાં ઘૂંટણસમા પાણી ભરાયા છે. ભરૂચમાં નર્મદા નદીના જળસ્તરમાં વધારાના કારણે નીચાણવાળા વિસ્તારોમાં પાણી ભરાયા હતા. ગઈ કાલે પડેલા ભારે વરસાદના કારણે શહેરના નવજીવન ગુલબાઈ ટેકરા વિસ્તારમાં પાણી ભરાઈ જતાં ફસાયેલા 20થી વધુ લોકોને ફાયર વિભાગે સુરક્ષિત બહાર કાઢ્યા છે.

નોબર ગામે આવેલ તળાવ ઓવરફ્લો 

જિલ્લામાં ભારે વરસાદથી લોકોનું રેસ્ક્યુ કરી સલામત સ્થળે ખસેડ્યા હતા. તમામ લોકોને નવજીવન સ્કૂલમાં આશ્રય આપવામાં આવ્યો છે, તંત્ર દ્વારા પરિસ્થિતિ પર સતત નજર રાખવામાં આવી રહી છે અને લોકોને સુરક્ષિત સ્થળે ખસી જવા માટે અપીલ કરવામાં આવી છે. જિલ્લામાં ભારે વરસાદની આગાહીના પગલે તંત્ર દ્વરા તમામ તૈયારી કરી દેવામાં આવી છે.