બનાસકાંઠા અને કચ્છ જિલ્લામાં પડેલા અતિ ભારે વરસાદ બાદ સર્વત્ર જળબંબાકારની સ્થિતી જોવા મળી રહી છે. આ વિસ્તારના મોટાભાગના રસ્તાઓ અને હાઇવે પર પાણી ફરી વળતાં વાહન વ્યવહાર બંધ થઇ ગયો છે. જો કે કચ્છના સામખિયાળીમાં હાઇવે ફરી શરૂ કરાયો છે.
પાંચ કલાકથી સામખિયાળી હાઇવે બંધ
છેલ્લા પાંચ કલાકથી સામખિયાળી હાઇવે બંધ હતો અને અનેક વાહન ચાલકો રસ્તામાં ફસાયા હતા. જોકે સ્થિતી જોઇને પોલીસ ત્વરિત એક્શનમાં આવી હતી અને જેસીબી મશીન વડે બે-ત્રણ જગ્યાએ હાઇવે તોડી પાણીનો નિકાલ કરાયો હતો. પોલીસની સતર્કતાથી મોટા નુકસાનમાંથી બચાવ થયો હતો.
