આજે રાજ્યમાં 207 તાલુકાઓમાં વરસાદ ખાબક્યો છે. જેમાં રાજકોટના ઉપલેટાના જામ ટીંબડીમાં 24 કલાકમાં 5.5 ઈંચ વરસાદ ખાબક્યો છે. ભારે વરસાદને પગલે ગામમાં જળબંબાકાર જેવી સ્થિતિ સર્જાઈ છે. મુશળધાર વરસાદને પગલે જનજીવન પ્રભાવિત થયું છે. ઉપલેટામાં ભારે વરસાદને કારણે નદી નાળા છલકાયા છે. ડેમમાં પાણીની આવક વધતાં ઓવરફ્લો જેવી સ્થિતિ સર્જાઈ છે.


પાક નિષ્ફળ જતાં ખેડૂતોએ સરકાર પાસે મદદની માગ કરી

ઉપલેટાના ગ્રામ્ય વિસ્તારોમાં પણ ધોધમાર વરસાદ વરસ્યો છે. ખાખી જાળિયામાં વરસાદને કારણે રૂપાવટી નદીના પાણી ખેતરોમાં ભરાઈ ગયા હતાં. જેના કારણે મગફળી અને સોયાબિન સહિતનો પાક પાણીમાં ગરકાવ થવાથી પાકને નુકસાન થવા પામ્યું હતું. ખેડૂતોના ખેતરોમાં જાણે નદી વહેતી હોય તેવા દ્રશ્યો સામે આવ્યા છે. ખેતરોમાં ભરાયેલા પાણી ઓસરે ત્યાર બાદ નુકસાનીનો અંદાજ સામે આવી શકે છે. પાક નિષ્ફળ જતાં ખેડૂતોએ સરકાર પાસે મદદની માગ કરી છે.

Also Read

વેણું ડેમ-2 100 ટકા ભરાયો હતો

ઉપલેટામાં ફુલઝર ડેમ ઓવરફ્લો થયો હતો. જેના કારણે મોટી પાનેલી રોડ પર પાણી ફરી વળ્યા હતાં. જ્યારે વેણું ડેમ-2 100 ટકા ભરાયો હતો. વેણું ડેમ-2ના 10 દરવાજા 8 ફૂટ ખોલાયા હતાં. ડેમમાં 50481 ક્યુસેક પાણીની આવક થવા પામી હતી. ઉપલેટામાં મોજ ડેમમાંથી પાણી છોડાયુ છે. ગઢાળા ગામ નજીક કોઝ વે પાણીમાં ગરકાવ થયો હતો. ગઢાળા ગામથી અન્ય ગામને જોડતો રસ્તો બંધ કરાયો હતો. લોકોને ભારે હાલાકીનો સામનો કરવો પડ્યો છે.


  • Follow us on: