Tapi: ઉકાઈ ડેમમાં 22479 ક્યુસેક નવા નીરની આવક, દક્ષિણ ગુજરાતના લોકોમાં ખુશી

તાપી જિલ્લામાં વરસાદ પડતા નદીઓ,નાળાઓ અને ડેમોમાં પાણીની આવકમાં નોંધપાત્ર વધારો થયો છે. ખાસ કરીને તાપી નદી પર આવેલા ઉકાઈ ડેમની સપાટીમાં વધારો થઈ રહ્યો છે. ઉકાઈ ડેમમાં 22479 ક્યુસેક નવા નીરની આવક થતા ઉકાઈ ડેમની જળ સપાટી બે ફૂટ વધી છે. હાલ ડેમની સપાટી 318.48 ફૂટે પહોંચી છે.

ઉકાઈ ડેમની સપાટીમાં વધારો

નોંધનીય છે કે ડેમની સંપૂર્ણ ભરાવ ક્ષમતા 345 ફૂટ જેટલી છે. એટલે કે હાલ ડેમ તેની સંપૂર્ણ ક્ષમતાના તુલનાએ લગભગ 28 ફૂટ નીચા સ્તરે છે. આ વર્ષે વરસાદ સારો પડી રહ્યો હોવાથી આગામી દિવસોમાં આ જળસપાટી વધુ વધી શકે તેવી શક્યતા છે.ઉકાઈ ડેમમાં 22479 ક્યુસેક નવા નીરની આવક થતા ઉકાઈ ડેમની જળ સપાટી બે ફૂટ વધી છે. હાલ ડેમની સપાટી 318.48 ફૂટે પહોંચી છે.

દક્ષિણ ગુજરાતના લોકોમાં ખુશી

ડેમમાં નવા પાણીની આવક થતા આગામી દિવસોમાં ડેમ સંપૂર્ણ ભરાય જશે. જેને લઈને આગામી દિવસોમાં દક્ષિણ ગુજરાતના લોકોને સિંચાઈ, ખેતી પીવાના પાણી એને ઉધોગો માટે પૂરતો પાણીનો જથ્થો મળી રહશે. ઉકાઈ ડેમમાં પાણીની આવકને લઈનો દક્ષિણ ગુજરાતના લોકોમાં ખુશી જોવા મળી રહી છે.