Vadodara : ભારે વરસાદ, નદીઓમાં પૂર, જાંબુઆ નદીના પાણી પણ આસપાસના ગામોમાં ફરી વળ્યા

વડોદરા શહેર નજીકથી પસાર થતી જાંબુઆ નદીમાં પણ પૂર આવ્યું છે અને જાંબુઆ નદી ભયજનક સપાટીએ પહોંચી ગઇ છે. નદીના પાણી આસપાસના વિસ્તારોમાં ઘુસી ગયા છે

જાંબુઆ નદી ભયજનક સપાટીએ પહોંચી

સતત પડી રહેલા ભારે વરસાદના કારણે જાંબુઆ નદીમાં પણ પૂર આવ્યું છે. વડોદરા પાસેથી પસાર થઇ રહેલી જાંબુઆ નદી ભયજનક સપાટીએ પહોંચી જતાં નદીનું રૌદ્ર સ્વરુપ જોવા મળ્યું છે.

કેલનપુર, કિસાનનગર, હેતમપુરા વગેરે ગામો પાણીમાં ગરકાવ

વડોદરા નજીક જાંબુવા નદી ભયજનક સપાટી વટાવી જતાં નદી કાંઠેના કેલનપુર, કિસાનનગર, હેતમપુરા વગેરે ગામો પાણીમાં ગરકાવ થઇ ગયા છે. ખેતરોમાં પણ જાંબુવા નદીના પાણી ફરી વળ્યા

વિશ્વામિત્રી નદીનું જળસ્તર વધીને 19 ફૂટે પહોંચ્યું

બીજી તરફ વડોદરાની મહત્વની વિશ્વામિત્રી નદીનું જળસ્તર પણ સતત વધી રહ્યું છે અને બપોરે સાડા ત્રણ વાગે નદીની જળસપાટી 19 ફૂટે પહોંચી હતી. ઉપરવાસમાં પડેલા ભારે વરસાદના કારણે આજે સવારે આજવા સરોવરના દરવાજા ખોલવામાં આવ્યા છે અને તેના કારણે નદીની સપાટી વધીને 20 ફૂટ જઇ શકે છે. નદીના જળસ્તરમાં વધારો થતાં નદી કિનારાના નિચાણવાળા વિસ્તારોમાં પાણી પ્રવેશી ગયા છે. કોર્પોરેશન નદીની સ્થિતી પર ચાંપતી નજર રાખી રહી છે.