મોરબીના માળીયા મીયાણામાં બોગસ ખાતેદાર ખેડૂત કેસમાં CID દ્વારા સરવડ ગામના તત્કાલિન તલાટીની ધરપકડ કરીને તેને કોર્ટમાં રજૂ કરાયો હતો. કોર્ટે તેના 31 જુલાઈ સુધીના રિમાન્ડ મંજૂર કર્યા હતાં. આ કેસમાં સાગર ફૂલતરિયાની સંડોવણી પણ સામે આવતા CIDએ તેની ધરપકડ કરી છે. તેને કોર્ટમાં રજૂ કરીને રિમાન્ડની માગ કરાવામાં આવી હતી. જેથી કોર્ટે આગામી પાંચમી ઓગસ્ટ સુધીના રિમાન્ડ મંજૂર કર્યા હતાં.


સાગર ફુલતરીયાની CIDએ કરી ધરપકડ

મોરબીમાં થયેલા બોગસ ખાતેદાર ખેડૂત કેસમાં જમીન કૌભાંડના મુખ્ય આરોપી સાગર ફૂલતરિયાની સંડોવણી સામે આવી છે. CIDએ સાગર ફૂલતરિયાની ધરપકડ કરીને તેને કોર્ટમાં રજૂ કર્યો હતો. કોર્ટે તેના પાંચમી ઓગસ્ટ સુધીના રિમાન્ડ મંજૂર કર્યાં છે. મોરબીના સરવડમાં બોગસ ખાતેદાર ખેડૂતના કૌભાંડમાં સાગર ફૂલતરિયાનું સહ આરોપી તરીકે નામ ખૂલતા CIDએ તેની ધરપકડ કરી હતી.

Also Read

રિમાન્ડ દરમિયાન વધુ નામ બહાર આવે તેવી શક્યતા

કોર્ટે રિમાન્ડ મંજૂર કર્યા બાદ આ કેસમાં વધુ લોકોના નામ બહાર આવે તેવી શક્યતાઓ છે. આરોપી સાગર ફૂલતરિયા ચકચારી વજેપર સર્વે નં 602ના જમીન કૌભાંડમાં મુખ્ય આરોપી છે. માળીયાના સરવડ ગામના બોગસ ખેડૂત ખાતેદાર બનવાના ગુનામાં સહ આરોપી તરીકે નામ ખુલતા સીઆઇડીએ આ કેસમાં તેની ધરપકડ કરી છે.આ અગાઉ તલાટી કમ મંત્રીની ધરપકડ કરવામાં આવી હતી જે હાલમાં જેલમાં બંધ છે.


  • Follow us on: