મોરબીના એક વેપારી સાથે આંતરરાષ્ટ્રીય સ્તરે રૂ. 1.72 કરોડની જંગી રકમની છેતરપિંડીનો સનસનાટીપૂર્ણ કિસ્સો સામે આવ્યો છે. આ ઠગાઈમાં ભોગ બનેલા વેપારીએ તાત્કાલિક કાર્યવાહી કરીને સાયબર ક્રાઇમ પોલીસ સ્ટેશનમાં ફરિયાદ નોંધાવી છે. વેપારીની ફરિયાદના આધારે કુલ 6 જેટલા આરોપીઓ વિરુદ્ધ ગુનો દાખલ કરવામાં આવ્યો છે. આ છેતરપિંડીમાં મુખ્યત્વે ઓનલાઈન માધ્યમનો ઉપયોગ કરવામાં આવ્યો હતો. આરોપીઓએ વેપારીને મોટી કંપની સાથે ડીલ અપાવવાના બહાને વિશ્વાસમાં લીધો હતો અને ત્યારબાદ કરોડો રૂપિયાની રકમ ચાલાકીપૂર્વક હડપી લીધી હતી. આ બનાવથી મોરબીના વેપારી આલમમાં ચિંતા અને સનસનાટી ફેલાઈ ગઈ છે.
હોંગકોંગની કંપનીમાં ડિલનું બહાનું
આ ઠગાઈની મોડસ ઓપરેન્ડી મુજબ, આરોપીઓએ વેપારીને વિશ્વાસ અપાવ્યો હતો કે તેઓ હોંગકોંગ સ્થિત એક મોટી કંપની સાથે વેપારની ડિલ કરાવી આપશે. આ બહાને તેમણે તબક્કાવાર રીતે વેપારી પાસેથી રૂ. 1.72 કરોડની રકમ પોતાના ખાતામાં ટ્રાન્સફર કરાવી લીધી હતી. વેપારીને જ્યારે ખબર પડી કે તેમની સાથે છેતરપિંડી થઈ છે, ત્યારે તેમણે તાત્કાલિક સાયબર ક્રાઇમનો સહારો લીધો હતો. આ ફરિયાદમાં મુખ્યત્વે પારસ સિગલા અને પ્રવિણ બંસલના નામ નોંધાવવામાં આવ્યા છે. આ ઉપરાંત, અન્ય ત્રણ વિદેશી નામો પણ ફરિયાદમાં સામેલ છે, જેમાં ધનંજય શર્મા, રોબર્ટ વિલિયમ અને હેન્ની હાર્વીનો સમાવેશ થાય છે.
