પાટણ જિલ્લાના રાધનપુર-ભાભર હાઇવે પર આજે એક ગમખ્વાર માર્ગ અકસ્માત સર્જાયો હતો. આ ગમખ્વાર અકસ્માતમાં બાઇક અને કાર વચ્ચે જોરદાર ટક્કર થતાં બાઇક ચાલકનું ઘટનાસ્થળે જ કરુણ મોત નિપજ્યું હતું. આ ઘટનાને પગલે રાધનપુર-ભાભર હાઇવે પર અફરાતફરીનો માહોલ સર્જાયો હતો. બાઇક અને કાર વચ્ચે સામસામે ટક્કર થતાં આ અકસ્માત સર્જાયો હતો. ટક્કર એટલી જોરદાર હતી કે બાઇક ચાલક ગંભીર રીતે ઇજાગ્રસ્ત થયો હતો.
બાઈક અને કાર વચ્ચે સર્જાયો અકસ્માત
ગંભીર ઇજાઓને કારણે બાઇક ચાલક યુવકનું ઘટનાસ્થળે જ મોત નીપજ્યું હતું. મૃતક યુવક ઓધવનગર ગામનો રહેવાસી હોવાનું જાણવા મળ્યું છે. અકસ્માત થતાં જ આસપાસના લોકો તાત્કાલિક ઘટનાસ્થળે પહોંચ્યા હતા. પોલીસે મૃતક યુવકના મૃતદેહનો કબજો મેળવીને તેને પીએમ અર્થે રેફરલ હોસ્પિટલ ખાતે ખસેડ્યો છે.
