Gujarat Cabinet Reshuffle : સરપંચથી મંત્રી સુધીની કૌશિક વેકરિયાની રાજકીય સફર

કૌશિક વેકરિયા એ આખરે સરકારના મંત્રી તરીકે શપથ લીધા છે. સરપંચથી તેઓ મંત્રી સુધી પહોંચેલા જમીન સ્તરના નેતા છે.

રાજકીય કારકિર્દી એક સરપંચ તરીકે શરૂ કરી

કૌશિક વેકરિયાએ પોતાની રાજકીય કારકિર્દીની શરુઆત એક સરપંચ તરીકે શરૂ કરી હતી. તેઓ અમરેલીના નાનકડા દેવરાજિયા ગામના તેઓ સરપંચ બન્યા હતા. અને ત્યારબાદ તેઓ ભાજપમાં વધુ સક્રિય થયા હતા. તેમણે પોતાના ગામમાં એવા નવા કામો કર્યા હતા કે તેમના કારણે આ ગામ ગુજરાતના 'સ્માર્ટ ગામ' તરીકે ઓળખાય છે,

જિલ્લા સ્તરના મહામંત્રી અને જિલ્લા પ્રમુખ બન્યા

આમ તેઓ સૌથી પહેલા તેઓ સરપંચ બન્યા હતા અને ત્યારબાદ તેમની રાજકિય સફર લંબાતી ગઇ હતી. ત્યાર પછી તાલુકાના મહામંત્રી, જિલ્લા સ્તરના મહામંત્રી અને જિલ્લા પ્રમુખ બન્યા. તેમની આ સફરમાં તેમણે અનેક નવા કાર્યકર્તાઓને ભાજપ સાથે જોડ્યા હતા, જેના પરિણામે તેમને 2022ની વિધાનસભામાં ચૂંટણી લડવાની તક મળી હતી. આ ચૂંટણીમાં કૉંગ્રેસના દિગ્ગજ નેતા પરેશ ધાનાણીને હરાવ્યા બાદ તેઓ ગુજરાત વિધાનસભામાં નાયબ મુખ્ય દંડક બન્યા હતા.

 જમીન સાથે જોડાયેલા નેતા

કૌશિક વેકરિયા જમીન સાથે જોડાયેલા નેતા છે. એક સમયે જ્યારે ભાજપમાં જૂના નેતાઓ હતા, એ સમયે સૌરાષ્ટ્ર અને ખાસ કરીને અમરેલીમાં ભાજપની યુવા નેતાગીરી ઊભી થઈ હતી, જેમાં કૌશિક વેકરિયા મોખરે હતા.