બનાસકાંઠા જિલ્લાની બનાસ ડેરીની ચૂંટણીને લઈને રાજકારણ ગરમાયું છે.ભાજપના નેતાઓ મેદાનમાં ઉતર્યા છે જેના કારણે સહકારી ક્ષેત્રમાં હલચલ વધી છે. પૂર્વ ધારાસભ્ય અને સાંસદ પણ ચૂંટણી લડે તેવી શક્યતાઓ છે. ડિરેક્ટર બનવા માટે ભાજપના નેતાઓ એડીચોટીનું જોર લગાવી રહ્યાં છે. આવતીકાલે ઉમેદવારી ફોર્મ ભરવાનો અંતિમ દિવસ હોવાથી ઉમેદવારોનો રાફડો ફાટે તેવી શક્યતાઓ છે.
આવતીકાલે ઉમેદવારોનો રાફડો ફાટે તેવી શક્યતાઓ
બનાસ ડેરીની ચૂંટણીમાં ઉમેદવારી માટે આવતીકાલે છેલ્લો દિવસ છે. આવતીકાલે ઉમેદવારોનો રાફડો ફાટે તેવી શક્યતાઓ છે. અત્યાર સુધીમાં 50 ફોર્મના વિતરણ સામે માત્ર ત્રણ જ ઉમેદવારી ફોર્મ ભરાયા છે. આવતીકાલે પ્રથમ નોરતે ઉમેદવારો ઉમેદવારી નોંધાવી શકે છે. પાલનપુર બેઠક પરથી પૂર્વ કેન્દ્રિય મંત્રી હરિ ચૌધરીએ ઉમેદવારી નોંધાવી છે. જ્યારે કાંકરેજ બેઠક પરથી પૂર્વ ચેરમેન અણદા પટેલે ઉમેદવારી નોંધાવી છે. આ બંને ધૂરંધર નેતાઓ સામે કોણ ફોર્મ ભરશે તેની પર સૌની મીટ મંડરાઈ છે. વડગામ બેઠક પર આંતરિક ખેંચતાણ શરૂ થઈ ગઈ છે. દાંતીવાડા બેઠક પર દાવેદારોની સંખ્યા પણ વધી છે.
