આગામી 19 સપ્ટેમ્બરે ભરૂચ ડેરીની ચૂંટણી યોજાવાની છે. આ ચૂંટણી પહેલા ભરૂચના રાજકારણમાં ખળભળાટ મચી જવા પામ્યો છે. ભાજપે ચૂંટણી પહેલા 6 સભ્યોને સસ્પેન્ડ કરી દીધા છે. પ્રદેશ ભાજપ અધ્યક્ષ સી. આર. પાટીલના મેન્ડેટ વિરૂદ્ધ ઉમેદવારી કરનારા ભાજપ સભ્યો પર કાર્યવાહી કરવામાં આવી છે. આ સભ્યોને ભરૂચ જિલ્લા ભાજપ પ્રમુખ પ્રકાશ મોદીએ પક્ષમાંથી બરતરફ કર્યા છે.
જિલ્લા ભાજપ પ્રમુખે પક્ષમાંથી સસ્પેન્ડ કરી દીધા
પ્રાપ્ત વિગતો પ્રમાણે આગામી 19 સપ્ટેમ્બરે ભરૂચ ડેરીની ચૂંટણી યોજાવાની છે. આ ચૂંટણીમાં ભાજપ તરફથી ધારાસભ્ય અરૂણસિંહ રાણાની પેનલના ત્રણ સભ્યો અને ઘનશ્યામ પટેલની પેનલના 12 સભ્યોને મેન્ડેટ અપાયા હતાં. આ મેન્ડેડ વિરૂદ્ધ ઉમેદવારી કરનારા 6 સભ્યોને ભાજપ દ્વારા સસ્પેન્ડ કરી દેવામાં આવ્યા છે. ભાજપ પ્રમુખના મેન્ડેડ વિરૂદ્ધ ઉમેદવારી કરનારા 6 સભ્યોને જિલ્લા ભાજપ પ્રમુખે પક્ષમાંથી સસ્પેન્ડ કરી દીધા છે. જ્યારે મેન્ડેડ વાળા બે સભ્યોને પણ પક્ષમાંથી સસ્પેન્ડ કરી દેવાયા છે.
