રાજકોટમાં વધતી ભીષણ ગરમીની અસર સ્થાનિક ચૂંટણીના મતદાન પર સ્પષ્ટ રીતે જોવા મળી રહી છે. ખાસ કરીને વોર્ડ નંબર 7માં ઓછું મતદાન નોંધાતા ઉમેદવારોમાં ચિંતા અને દોડાદોડીનો માહોલ જોવા મળ્યો છે. તાપમાનમાં સતત વધારો થતા લોકો ઘર બહાર નીકળવાનું ટાળી રહ્યા છે, જેના કારણે મતદાન ટકાવારી પર નકારાત્મક અસર પડી છે.
ભાજપના ઉમેદવાર નેહલ શુક્લે સંદેશ ન્યૂઝ સાથે વાતચીત કરી
મતદારોને મતદાન કેન્દ્ર સુધી લાવવા માટે વિવિધ રાજકીય પક્ષો અને ઉમેદવારો દ્વારા પ્રયત્નો હાથ ધરવામાં આવ્યા છે. ગરમી હોવા છતાં વધુમાં વધુ લોકો મતદાન કરે તે માટે જાગૃતિ અભિયાન પણ ચલાવવામાં આવી રહ્યું છે. ભાજપના ઉમેદવાર નેહલ શુક્લે સંદેશ ન્યૂઝ સાથે વાતચીત દરમિયાન જણાવ્યું હતું કે, ગરમીની ચોક્કસ અસર મતદાન પર પડી રહી છે, પરંતુ લોકો લોકશાહીનો ઉત્સવ માનતા બહાર નીકળે તે ખૂબ જ જરૂરી છે.
