Porbandar: ફ્લાઈ ઓવર બ્રિજ પર કાર ચાલકે સ્કૂટરને એડફેટે લેતા અકસ્માત, માતાનું મોત પુત્ર ઘાયલ

પોરબંદરમાં ગંભીર અકસ્માત થયાની ઘટના સામે આવી છે. પોરબંદરમાં કાર ચાલકે સ્કૂટરને એડફેટે લેતા એક મહિલાનું મોત થયું છે. બેફામ કારચાલકે ટુ-વ્હીલરને ટક્કર મારતા અકસ્માત સર્જાયો હતો. ફ્લાઈ ઓવર પર અકસ્માત કરી કારચાલક ફરાર થયો છે. ઈજાગ્રસ્ત પુત્રને સારવાર માટે હોસ્પિટલ ખસેડ્યો છે. મૃતદેહને પોસ્ટમોર્ટમ માટે હોસ્પિટલ લઈ જવાયો છે. સમગ્ર મામલે પોલીસે વધુ તપાસ હાથ ધરી છે.

પોરબંદરમાં ગંભીર અકસ્માત થયાની ઘટના 

પોરબંદરમાં કાર ચાલકે સ્કૂટરને એડફેટે લેતા એક મહિલાનું મોત થયું છે. સાથ પુત્ર ઘાયલ થયો છે. ઇજાગ્રસ્તને સારવાર અર્થે પોરબંદરની સરકારી ભાવસિંહજી હોસ્પિટલ ખાતે ખસેડવામાં આવ્યો છે. આ અકસ્માતમાં પોરબંદરના રોકડિયા હનુમાન વિસ્તારમાં રહેતા આશાબેન ગોપાલભાઈ મસાણી ઉ.વર્ષ 37નું મોત નીપજ્યું છે. ઉદ્યોગનગર પોલીસ દ્વારા વધુ તપાસ હાથ ધરવામાં આવી છે..

ફ્લાઈ ઓવર બ્રિજ પર અકસ્માત

પોરબંદરના ફ્લાઈ ઓવર બ્રિજ પર અકસ્માત સર્જાયો હતો. માતા અને પુત્રને સ્કૂટર પર જઈ રહ્યા હતા તે દરમિયાન અકસ્માત થયો હતો. પોરબંદરના ફ્લાઈ ઓવર બ્રિજ પર સ્કૂટરને પાછળથી ઠોકર મારી કાર ચાલક ફરાર થઈ ગયો હતો. GJ25 BA 4092 નંબરની કાળા કલરની કારે ઠોકર મારી હતી. અકસ્માતમાં એક મહિલાનું મોત નીપજ્યું પુત્ર હર્ષ મસાણીને ગંભીર ઇજા પહોંચી છે. અકસ્માતમાં પોરબંદરના રોકડિયા હનુમાન વિસ્તારમાં રહેતા આશાબેન ગોપાલભાઈ મસાણી ઉ.વર્ષ 37નું મોત નીપજ્યું છે. પોલીસે કાર ચાલક સામે ગુનો નોંધી તપાસ હાથ ધરી છે.